ഡബ്ലിൻ: ഐറിഷ് മലയാളികൾക്കായി ഗംഭീര ഓണസദ്യയുമായി പ്രശസ്ത റെസ്റ്റോറന്റായ ഹോളിഗ്രെയിൽ. അളിയൻസ് കിച്ചനുമായി ചേർന്ന് ഹോളിഗ്രെയിൽ ഒരുക്കുന്ന ഓണസദ്യ തിരുവോണദിനമായ ഓഗസ്റ്റ് 21 ശനിയാഴ്ച്ച വീടുകളിൽ എത്തിച്ച് നൽകും. അയർലണ്ടിലെ ഒട്ടുമിക്ക സ്ഥലങ്ങളിലേക്കും വിതരണത്തിനുള്ള ക്രമീകരണങ്ങൾ നടന്നുവരുന്നു. Dublin, Naas, Celbridge, Maynooth എന്നിവിടങ്ങളില്‍ ഫ്രീ ഹോം ഡെലിവറി എന്ന പ്രത്യേകതയുമുണ്ട്. ഓര്‍ഡറുകള്‍ ബുക്ക് ചെയ്യേണ്ട അവസാന തീയതി ഓഗസ്റ്റ് 19.
രണ്ട് സദ്യയ്ക്ക് 40 യൂറോ, നാല് സദ്യ ഓര്‍ഡര്‍ ചെയ്യുമ്പോള്‍ ഓഫര്‍ വിലയായ 75 യൂറോ എന്നിങ്ങനെയാണ് ആകര്‍ഷകമായ നിരക്ക്. പത്തോ അതിലധികമോ സദ്യകള്‍ ഓര്‍ഡര്‍ ചെയ്യുമ്പോള്‍ വമ്പിച്ച ഡിസ്‌കൗണ്ടുമുണ്ട്. തൂശനിലയില്‍ വിളമ്പുന്ന ചോറിനൊപ്പം വറുത്തുപ്പേരി, ശര്‍ക്കര വരട്ടി, ഇഞ്ചിപ്പുളി, നാരങ്ങ അച്ചാര്‍, മാങ്ങ അച്ചാര്‍, ബീട്രൂട്ട് പച്ചടി, പൈനാപ്പിള്‍ പച്ചടി, മധുക്കിച്ചടി, കാബേജ് തോരന്‍, എരിശ്ശേരി, നെയ്യ്, അവിയല്‍, പരിപ്പ്, സാമ്പാര്‍, ഏത്തയ്ക്ക് കാളന്‍, പാല്‍പ്പായസം, അടപ്രഥമന്‍, പപ്പടം, പഴം എന്നിവ ചേര്‍ന്നുള്ള അസ്സല്‍ മലയാളിസദ്യയാണ് പ്രവാസജീവിതത്തിലും നമുക്ക് മറക്കാന്‍ കഴിയാത്ത ഓണത്തിന്റെ ഗൃഹാതുരത അനുഭവവേദ്യമാക്കുന്നതിനായി ഈ പാചകവിദഗ്ദ്ധര്‍ തയ്യാറാക്കുന്നത്.
ഹോളി ഗ്രെയ്ല്‍ ഉടമയും, കേരളീയ പാചകത്തില്‍ വിദഗ്ദ്ധനുമായ ഷിജോ ഭാസ്‌കരന്‍, ദുബായ്, അബുദാബി എന്നിവിടങ്ങളിലെ റസ്റ്ററന്റുകളിലെ ചീഫ് ഷെഫായി പ്രവര്‍ത്തിച്ച് പരിചയമുള്ള രഞ്ജിത് പുന്നൂസ് എന്നിവരാണ് സദ്യവട്ടത്തിന്റെ അണിയറക്കാര്‍. കൊച്ചിയിലെ താജ് റസിഡന്‍സ്‌, 10 വര്‍ഷക്കാലം വെക്‌സ്‌ഫോര്‍ഡിലെ സ്‌പൈസ് ഇന്ത്യന്‍ റസ്റ്ററന്റിലെ ഹെഡ് ഷെഫ് എന്നി പദവികള്‍ വഹിച്ചിട്ടുണ്ട് ഷിജോ. ശേഷമാണ് ഹോളി ഗ്രെയ്ല്‍ സ്ഥാപിക്കുന്നത്. Wexford Town, Enniscorthy, Ballindaggin എന്നിവിടങ്ങളിലായി ഷിജോയുടെ സഹോദരന്മാര്‍ ഉടമകളായിട്ടുള്ള വേറെ 3 ബ്രാഞ്ചുകളും ഹോളി ഗ്രെയിലിനുണ്ട്. ഹോട്ടല്‍ മാനേജ്‌മെന്റില്‍ ബിരുദം കരസ്ഥമാക്കിയിട്ടുള്ള രഞ്ജിത് കഴിഞ്ഞ 18 വര്‍ഷമായി പാചകമേഖലയില്‍ രുചിയുടെ ചിരികള്‍ വിടര്‍ത്തുന്നു.
തിരുവോണദിനത്തിൽ രുചികരമായ ഓണസദ്യ ആസ്വദിക്കുന്നതിനുള്ള ഈ അസുലഭ അവസരം നഷ്ടമാകാതിരിക്കുവാൻ എല്ലാ ഐറിഷ് മലയാളികളും മുൻ‌കൂർ ബുക്ക് ചെയ്യുവാൻ ശ്രദ്ധിക്കുമല്ലോ.
ബുക്കിംഗിനായി വിളിക്കുക:
+353 89 211 3987
+353 87 055 7783
+353 89 250 5509
+353 89 247 3535
+353 89 985 7304
Kerala Globe News ( Marketing Feature )