Waterford: വാട്ടർഫോർഡ് സീറോ മലബാർ ചർച്ചിൻ്റെ 2021- 2022 കാലയളവിലെ പ്രവർത്തനങ്ങൾക്ക് നേതൃത്വം നൽകുവാനായി കുടുംബ കൂട്ടായ്മയിൽ നിന്നും തിരഞ്ഞെടുക്കപ്പെട്ട പ്രതിനിധികൾ August 18-ാം . തീയതി ബുധനാഴ്ച ചാപ്ലിൻ ഫാദർ സി ബി ജോസഫ് അറക്കലിൻ്റെ അദ്ധ്യക്ഷതയിൽ ഒന്നിച്ച് കൂടുകയും കൈക്കാരൻമാരായി ബിജി സെബാസ്റ്റ്യൻ , ടോമി വർഗ്ഗീസ് , സെക്രട്ടറിയായി ഷാജി ജേക്കബ്ബിനെയും, റീജിയണൽ സെക്രട്ടറി , PRO , സെൻട്രൽ കമ്മറ്റി പ്രതിനിധി എന്നതിലേക്ക് പി.എം ജോർജ്ജ്കുട്ടിയെയും , ജോ: സെക്രട്ടറിയായി ജെൻസി വിപിൻ , കമ്മറ്റി അംഗങ്ങളായി ജിയോ ജോർജ് ,Joby എഫ്രയിം , ജോസഫ് ഷിബു , എബിൻ തോമസ്സ് , അനീഷ് കുര്യൻ , ഐറിൻ സാബു എന്നിവരെയും തിരഞ്ഞെടുത്തു.
യോഗത്തിൽ പഴയ ഭാരവാഹികളുടെ ആത്മാർത്ഥമായ പ്രവർത്തനങ്ങൾക്ക് ഫാദർ സിബി ജോസഫ് അറയ്ക്കൽ നന്ദി അറിയിക്കുകയും , വാട്ടർഫോർഡ് സീറോ മലബാർ കൂട്ടായ്മയുടെ ആത്മീയവും , ഭൗതീകവുമായ വളർച്ച കൈ വരിക്കുന്നതിന് ആവശ്യമായി വന്നിട്ടുള്ള എല്ലാ അവസരങ്ങളിലും നിർലോഭമായ പിന്തുണ നൽകി കൊണ്ടിരിക്കുന്ന വാട്ടർഫോർഡ് യൂണിവേഴ്സിറ്റി ഹോസ്പിറ്റൽ ചാപ്ലിൻമാരായ ഫാദർ ജോൺ ഫിലിപ്പ് , ഫാദർ ബോബിറ്റ് അഗസ്റ്റി ,ഫാദർ റസൽ ജേക്കബ്‌ എന്നിവരോടുള്ള സ്നേഹവും ,ബഹുമാനവും മുഴുവൻ കൂട്ടായ്മയുടെ പേരിൽ അറിയിക്കുകയും ചെയ്തു.
ജോർജ്ജ്കുട്ടി.
പി.ആർ.ഒ