വലിയ മാറ്റങ്ങളുമായി ഡബ്ലിൻ എയർപോർട്ട്: തീർച്ചയായും അറിഞ്ഞിരിക്കേണ്ട കാര്യങ്ങൾ.

ഗവൺമെൻറ് നൽകുന്ന സൂചനകൾ അനുസരിച്ച് അയർലണ്ടിൽ ആകാശയാത്രകൾ എപ്പോൾ വേണമെങ്കിലും പുനരാംരംഭിക്കാം എന്ന സ്ഥിതിയാണ്. എന്തൊക്കെ മാറ്റങ്ങളാവും എയർപോർട്ടിൽ നിങ്ങളെ കാത്തിരിക്കുക. COVID-19 മഹാമാരിയുടെ വെളിച്ചത്തിൽ യാത്രക്കാരുടെയും ജീവനക്കാരുടെയും ആരോഗ്യവും സുരക്ഷയും കൂടുതൽ പരിരക്ഷിക്കുന്നതിനായി ഡബ്ലിൻ വിമാനത്താവളം മെച്ചപ്പെട്ട ചില പൊതു ശുചിത്വ നടപടികൾ കൈകൊണ്ടിരിക്കുകയാണ്. ഡബ്ലിൻ എയർപോർട്ട് വഴി യാത്ര ചെയ്യുമ്പോൾ താഴെ പറയുന്ന കാര്യങ്ങൾ പാലിക്കുവാനായി അധികൃതർ ശുപാർശ ചെയ്യുന്നു.

• എയർപോർട്ടിന് വെളിയിൽ കാർപാർക്കിലോ ഷട്ടിൽ ബസ്സുകളിലോ ആയിരിക്കുമ്പോൾ മുഴുവൻ സമയവും ഫേസ് മാസ്‌കോ മറ്റ് മുഖാവരണങ്ങളോ ധരിക്കുവാൻ ശ്രെദ്ധിക്കണം.
• എയർപോർട്ട് കെട്ടിടത്തിനുള്ളിൽ എവിടെയായിരുന്നാലും മുഴുവൻ സമയവും ഫേസ് മാസ്ക് ധരിക്കണം.
• എല്ലാ ARRIVAL  – DEPARTURE യാത്രക്കാർക്കും ഇത് ബാധകമാണ്.
• 13 വയസ്സിന് താഴെയുള്ള കുട്ടികൾക്ക് ഫെയ്സ് മാസ്ക് ധരിക്കാൻ ആവശ്യപ്പെടില്ല, കൂടാതെ ഫെയ്സ് മാസ്ക് ധരിക്കുന്നതിൽനിന്നും സാധുവായ മെഡിക്കൽ കാരണമുള്ള യാത്രക്കാരെയും ഒഴിവാക്കും.
• യാത്രക്കാർ വീട്ടിൽ നിന്ന് സ്വന്തം ഫേസ് മാസ്ക് കൊണ്ടുവരണം, പക്ഷേ അവർ അത് മറന്നാൽ, വിമാനത്താവളത്തിൽ നിന്നും പണം നൽകി മാസ്കുകൾ വാങ്ങാം.
• യാത്ര ചെയ്യുന്നവർ മാത്രം ടെർമിനലുകളിൽ പ്രവേശിക്കണം, യാത്രയാക്കുവാനായി കൂടെ വരുന്നവർ വിമാനത്താവളത്തിലെ ചെക്ക്-ഇൻ, പുറപ്പെടൽ അല്ലെങ്കിൽ എത്തിച്ചേരൽ സ്ഥലങ്ങളിൽ പ്രവേശിക്കരുത്.
• സാമൂഹിക അകലം സാധ്യമല്ലാത്തതോ ബുദ്ധിമുട്ടുള്ളതോ ആയ എല്ലാ സാഹചര്യങ്ങളിലും എയർപോർട്ട്  ജീവനക്കാർ ഫെയ്സ് മാസ്കുകൾ ധരിക്കണം.
• എന്നാൽ യാത്രക്കാരുമായി കൂടുതൽ അടുത്തിടപഴകുന്ന ജോലിക്കാർ സുരക്ഷാ വസ്ത്രങ്ങൾ ( PPE ) ധരിക്കണം.
• വിമാനത്താവളത്തിലെ എല്ലാ സ്ഥലങ്ങളിലും സുരക്ഷിതമായ ശാരീരിക അകലം പാലിക്കുന്നതിനുള്ള സംവിധാനങ്ങൾ സ്ഥാപിച്ചുകഴിഞ്ഞു.
• ശാരീരിക അകലത്തിന്റെ പ്രാധാന്യത്തെക്കുറിച്ച് യാത്രക്കാരെ ഓർമ്മിപ്പിക്കുന്നതിനായി ഡബ്ലിൻ വിമാനത്താവളത്തിലുടനീളം ഫ്ലോർ ഗ്രാഫിക്സും സൈനേജുകളും ഉണ്ട്, അയർലണ്ടിലെ ആരോഗ്യ വകുപ്പിൽ നിന്നുള്ള സാമൂഹിക അകലം പാലിക്കുന്നതിനുള്ള മാർഗ്ഗനിർദ്ദേശങ്ങൾ വിശദീകരിക്കുന്ന പരസ്യ പ്രഖ്യാപനങ്ങൾ ഇടയ്ക്കിടെ ഇടവേളകളിൽ പ്രക്ഷേപണം ചെയ്യുന്നു.
• 620 പുതിയ സുരക്ഷാ സ്ക്രീനുകൾ ( PLEXI GLASS ) ചെക്ക്-ഇൻ, സെക്യൂരിറ്റി സ്ക്രീനിംഗ്, റീട്ടെയിൽ, ഫുഡ് & ബിവറേജ് ഔട്ട്ലെറ്റുകൾ, കസ്റ്റമർ സർവീസ് ഡെസ്കുകൾ, ബോർഡിംഗ് ഗേറ്റുകൾ, യുഎസ് കസ്റ്റംസ് ആൻഡ് ബോർഡർ പ്രൊട്ടക്ഷൻ (സിബിപി) എന്നിവടങ്ങളിൽ സ്ഥാപിച്ചു കഴിഞ്ഞു.
• സാമൂഹിക അകലം പാലിച്ചുകൊണ്ടുള്ള ഇരിപ്പിടങ്ങൾ 
• സുരക്ഷാ ട്രേകൾ, സ്വയം-സേവന കിയോസ്‌ക്കുകൾ, എസ്‌കലേറ്റർ ഹാൻ‌ട്രെയ്‌ലുകൾ, ട്രോളികൾ എന്നിവ പോലുള്ള എല്ലാ പ്രധാന കോൺ‌ടാക്റ്റ് ഉപരിതലങ്ങളും ഇപ്പോൾ അത്യാധുനിക ഹോസ്പിറ്റൽ ഗ്രേഡ് ക്ലീനിംഗ് ഉപകരണങ്ങൾ ഉപയോഗിച്ച് മെച്ചപ്പെട്ട പതിവ് ക്ലീനിംഗിന് വിധേയമാക്കുന്നു.
• എയർപോർട്ട് കാർ പാർക്കിങ്ങിനായി മുൻ‌കൂർ ബുക്ക് ചെയ്യണം. മുൻകൂട്ടി ഓൺലൈനിൽ ബുക്ക് ചെയ്യാത്ത ഉപയോക്താക്കൾക്ക് കോൺടാക്റ്റ്ലെസ് ടാപ്പ് സൗകര്യം ഉപയോഗിക്കാം അല്ലെങ്കിൽ വിമാനത്താവളത്തിലെ കാർ പാർക്കുകളിൽ എത്തുമ്പോൾ കാർഡ് ഉപയോഗിച്ച് പ്രവേശിക്കാം.
• പേയ്മെന്റ് സംവിധാനങ്ങൾ എല്ലാം CONTACTLESS ആയി പുനർക്രെമീകരിച്ചിട്ടുണ്ട്.
• കാർ പാർക്ക് ഷട്ടിൽ ബസുകളിൽ സാമൂഹിക അകലം പാലിക്കൽ നടപടികൾ നടക്കുന്നുണ്ട്, ബസ് യാത്രയ്ക്കിടെ ഫെയ്സ് മാസ്കുകൾ ധരിക്കാൻ ശക്തമായി ശുപാർശ ചെയ്യുന്നു.
• പുതിയ അപ്ഡേറ്റഡ് ട്രാവൽ പോളിസികൾക്കും യാത്രാവിവരങ്ങൾക്കുമായി അവരവരുടെ എയർലൈൻ കമ്പനികളുടെ വെബ് സൈറ്റ് പരിശോധിക്കുക അല്ലെങ്കിൽ അവരുമായി നേരിൽ ബന്ധപ്പെടുക.
• വിമാനത്താവളത്തിൽ എല്ലാവരും നല്ല വ്യക്തി ശുചിത്വം പാലിക്കുക. നിങ്ങളുടെ കൈകൾ HANDGEL ഉപയോഗിച്ച് ഇടയ്ക്കിടെ വൃത്തിയാക്കുക.
• എയർപോർട്ട് കാമ്പസിൽ ഉടനീളം 920 ഹാൻഡ് സാനിറ്റൈസർ യൂണിറ്റുകൾ സ്ഥാപിച്ചിരിക്കുന്നു.
• അയർലണ്ടിലേക്കും പുറത്തേക്കും അനിവാര്യമല്ലാത്ത എല്ലാ വിദേശ യാത്രകളും ഒഴിവാക്കുകയാണ് നിലവിലുള്ള സർക്കാർ നയം.
• ഏറ്റവും പുതിയ അപ്ഡേറ്റുകൾ ഈ ലിങ്കിൽ ലഭ്യമാണ്. https://www.dfa.ie/travel/travel-advice/
• ഡബ്ലിൻ എയർപോർട്ട് വഴി പ്രവേശിക്കുന്ന എല്ലാ യാത്രക്കാരും നിർബന്ധമായും 14 ദിവസം മറ്റാരുമായും സമ്പർക്കത്തിൽ ഏർപ്പെടാതെ സ്വന്തം വീടുകളിൽ തന്നെ കഴിയണം.
• എല്ലാ ARRIVAL യാത്രക്കാരും Public Health Passenger Locator Form പൂരിപ്പിച്ചു നല്കണം. ഐറിഷ് സർക്കാർ ഈ ഫോം വിമാനക്കമ്പനികൾക്ക് നൽകിയിട്ടുണ്ട്, നിങ്ങൾ ഡബ്ലിൻ വിമാനത്താവളത്തിൽ എത്തുന്നതിനുമുമ്പ് ഫോമിന്റെ ഒരു പകർപ്പ് സ്വീകരിക്കണം. പൂരിപ്പിച്ച ഫോം ഇമിഗ്രേഷൻ ഓഫീസർമാർക്ക് കൈമാറണം.
• നിങ്ങൾ SELF-ISOLATION പാലിക്കുന്നുണ്ടോ എന്ന് പരിശോധിക്കാൻ അയർലണ്ടിലെത്തിയ 14 ദിവസത്തിനുള്ളിൽ ആരോഗ്യപ്രവർത്തകർ നിങ്ങളെ ബന്ധപ്പെടാം.
• കൂടുതൽ വിവരങ്ങൾക്കായി ഈ ലിങ്ക് സന്ദർശിക്കുക.https://www2.hse.ie/conditions/coronavirus/travel.html

Kerala Globe News