ടിക്‌ടോക് ഉൾപ്പെടെ ചൈനീസ് സ്ഥാപനങ്ങൾ വികസിപ്പിച്ച ഡസൻകണക്കിന് ആപ്ലിക്കേഷനുകൾ നിരോധിച്ച് ഇന്ത്യ. ഈ ആപ്ലിക്കേഷനുകൾ ഇന്ത്യയുടെ പരമാധികാരത്തിനും സമഗ്രതയ്ക്കും വലിയ ഭീക്ഷണിയുയർത്തുന്നതായി സർക്കാർ അറിയിച്ചു. ഈ ഓർഡർ ഇന്ത്യയിലെ മൂന്ന് സ്മാർട്ട്‌ഫോൺ ഉപയോക്താക്കളിൽ ഒരാളെ ബാധിക്കുമെന്ന് ഗവേഷണ സ്ഥാപനങ്ങൾ പറയുന്നു. ടിക് ടോക്ക്, ക്ലബ് ഫാക്ടറി, യുസി ബ്രൗസർ, മറ്റ് ആപ്ലിക്കേഷനുകൾ എന്നിവയ്ക്ക് മെയ് മാസത്തിൽ 500 ദശലക്ഷത്തിലധികം പ്രതിമാസ സജീവ ഉപയോക്താക്കളുണ്ടെന്ന് ഏറ്റവും പുതിയ പഠനങ്ങൾ പറയുന്നു.
ജൂൺ 15 ന് ലഡാക്കിൽ ഉണ്ടായ ഏറ്റുമുട്ടലിനെത്തുടർന്ന് ചൈനയുമായുള്ള ബന്ധം വഷളാവുകയും 20 ഇന്ത്യൻ സൈനികർ കൊല്ലപ്പെടുകയും 70 ലധികം പേർക്ക് പരിക്കേൽക്കുകയും ചെയ്തിരുന്നു. നിരോധിച്ച ചൈനീസ് ആപ്ലിക്കേഷനുകൾ ഉപയോഗ നിബന്ധനകൾ ലംഘിക്കുകയാണെന്നും ഉപയോക്താക്കളുടെ സ്വകാര്യതയിൽ വിട്ടുവീഴ്ച ചെയ്യുന്നുവെന്നും സ്പൈവെയറായി ഉപയോഗിക്കുന്നുവെന്നും രഹസ്യാന്വേഷണ ഏജൻസികളിൽ നിന്നുള്ള വൃത്തങ്ങൾ അറിയിച്ചു.
For safety, security, defence, sovereignty & integrity of India and to protect data & privacy of people of India the Government has banned 59 mobile apps.
Jai Hind! ??— Ravi Shankar Prasad (@rsprasad) June 29, 2020
ആപ്ലിക്കേഷനുകൾ നിരോധിക്കുന്നത് ചൈനയുടെ ഡിജിറ്റൽ മേൽക്കോയ്മക്കും സിൽക്ക് റൂട്ട് അഭിലാഷങ്ങൾക്കും കനത്ത പ്രഹരമാണെന്ന് വിദഗ്ദ്ധർ അഭിപ്രായപ്പെട്ടു, ഇത് കമ്പനികളുടെ മൂല്യനിർണ്ണയത്തിൽ നിന്ന് ദശലക്ഷക്കണക്കിന് ഡോളർ ഇല്ലാതാക്കുന്നു. ഈ അപ്ലിക്കേഷനുകൾക്കെതിരെ പ്രവർത്തിക്കുന്നതിൽ ഇന്ത്യയുടെ പാത പിന്തുടരുവാൻ കൂടുതൽ രാജ്യങ്ങളെ ഇത് പ്രേരിപ്പിച്ചേക്കാം. നിരോധിച്ച ആപ്ലിക്കേഷനുകൾ ഏതെന്ന് താഴെയുള്ള ലിസ്റ്റ് പരിശോധിക്കുക.
Kerala Globe News