സ്വതന്ത്രവും വ്യത്യസ്തവുമായ അഭിപ്രായപ്രകടനങ്ങളിലൂടെ ലോക ശ്രദ്ധ ആകർഷിക്കുന്ന അപൂർവ്വം വ്യക്തിത്വങ്ങളിൽ ഒരാളാണ് ഫ്രാൻസീസ് മാർപ്പാപ്പ. പുതുതായി പ്രസിദ്ധീകരിച്ച അഭിമുഖത്തിലാണ് ഇറ്റാലിയൻ എഴുത്തുകാരനോടുള്ള പോപ്പിൻറെ അസാധാരണ വാക്കുകൾ. നല്ല ഭക്ഷണത്തിൽ നിന്നും നല്ല ലൈംഗീകതയിൽനിന്നും ലഭിക്കുന്ന ആനന്ദം ദൈവീകമാണെന്നാണ് പോപ്പിന്റെ വാക്കുകൾ. ആനന്ദം ദൈവത്തിൽ നിന്നുള്ളതാണ്. ‘ആനന്ദം ദൈവത്തിൽ നിന്ന് നേരിട്ട് വരുന്നു, അത് ദൈവികമാണ്, അത് കത്തോലിക്കർക്കോ ക്രിസ്ത്യാനിയ്‌ക്കോ മറ്റേതെങ്കിലും മതസ്ഥർക്കോ മാത്രമല്ല; എല്ലാവർക്കും അത് കേവലം ദൈവികമാണ്’.
‘ഭക്ഷണം കഴിക്കുന്നതിന്റെ ആനന്ദം ഭക്ഷണം കഴിക്കുമ്പോൾ നിങ്ങളെ നല്ല ആരോഗ്യം നിലനിർത്താൻ സഹായിക്കുന്നു, അതുപോലെ തന്നെ ലൈംഗിക സുഖം പ്രണയത്തെ കൂടുതൽ മനോഹരമാക്കുന്നതിനും ജീവിവർഗങ്ങളുടെ ശാശ്വതത ഉറപ്പുവരുത്തുന്നതിനും സഹായിക്കുന്നു.’
സഭയുടെ വർഗീയതയിൽ അധിഷ്ഠിതമായ ധാർമികതയെ ശക്തമായി എതിർക്കുന്നതായി മാർപ്പാപ്പ വെളിപ്പെടുത്തി. അത് ദൈവീക ആനന്ദത്തെ നിഷേധിക്കുന്നു. മനുഷ്യത്വരഹിതമായ, അപരിഷ്‌കൃതമായ, അശ്ലീലമായ ആനന്ദത്തെ സഭ അപലപിച്ചു, എന്നാൽ മറുവശത്ത് അവർ എല്ലായ്പ്പോഴും മനുഷ്യ, ശാന്തവും ധാർമ്മികവുമായ ആനന്ദം സ്വീകരിച്ചു”, അദ്ദേഹം വിശദീകരിക്കുന്നു. ആനന്ദത്തെ നിഷേധിക്കുന്ന “അമിതമായ ധാർമ്മികത” യ്ക്ക് സ്ഥാനമില്ലെന്ന് അദ്ദേഹം പറഞ്ഞു, അത് പണ്ട് സഭയിൽ നിലവിലുണ്ടായിരുന്നുവെന്ന് അദ്ദേഹം സമ്മതിച്ചിരുന്നുവെങ്കിലും “ക്രിസ്ത്യൻ സന്ദേശത്തിന്റെ തെറ്റായ വ്യാഖ്യാനമാണ്” അന്ന് ഉണ്ടായതെന്ന് കരുതപ്പെടുന്നു.
പോപ്പിന്റെ ഈ വാക്കുകൾ സഭയുടെ അകത്തും പുറത്തും ഒട്ടേറെ ചർച്ചകൾക്കും വിവാദങ്ങൾക്കും ഇടവരുത്തും എന്നാണ് കരുതപ്പെടുന്നത്. ബുധനാഴ്ച്ച പ്രസിദ്ധീകരിച്ച അഭിമുഖ പുസ്തകത്തിലാണ് ഈ പരാമർശങ്ങൾ ഉള്ളത്.
Kerala Globe News