ഡബ്ലിൻ: ഇന്നലെ നടന്ന ആവേശം നിറഞ്ഞ ഇന്ത്യ- അയർലൻഡ് ട്വന്റി 20 മത്സരത്തിൽ ക്രിക്കറ്റ് ലോകത്തിന്റെ സജീവ ശ്രദ്ധ ആകർഷിച്ച് അയർലണ്ടിലെ മലയാളി ആരാധകർ. ടോസിന് ശേഷം ടീമില്‍ മാറ്റം ഉണ്ടോയെന്ന് ചോദിച്ചപ്പോള്‍ ഗെയ്ക്‌വാദിനു പകരം സഞ്ജു സാംസൺ കളത്തിലിറങ്ങുമെന്ന് ക്യാപ്റ്റൻ ഹാർദിക് പാണ്ഡ്യ പറഞ്ഞതും സ്റ്റേഡിയത്തിലെ മലയാളി ആരാധകർ ആർത്തുവിളിച്ചത് ക്യാപ്റ്റൻ പാണ്ഡ്യയെപോലും അത്ഭുതപ്പെടുത്തി. ഇതിന്റെ വീഡിയോ ഇന്ന് വൈറൽ ആയി മാറിയിരിക്കുകയാണ്.
The craze for Sanju Samson is something else! #IREvIND pic.twitter.com/aAH964gkdU
— Pant’s Reverse Sweep (@SayedReng) June 28, 2022
കളി കാണുവാനായി അയർലണ്ടിലെ വിവിധ പ്രദേശങ്ങളിൽ താമസിക്കുന്ന നൂറുകണക്കിന് മലയാളികൾ സ്റ്റേഡിയത്തിലെത്തിയിരുന്നു. മലയാളികൂടിയായ സഞ്ജു കളിക്കുവാനിറങ്ങിയത് കാണികളെ ആവേശഭരിതരാക്കി. സഞ്ജു.. സഞ്ജു.. ആരവങ്ങൾക്കിടയിൽ കരിയറിലെ ആദ്യ ട്വന്റി 20 അർദ്ധ സെഞ്ചുറിയുമായി ആരാധകർക്ക് നന്ദി തിരികെ നൽകി സഞ്ജു സാംസൺ. ട്വന്റി 20 യിലെ ഏറ്റവും മികച്ച കൂട്ടുകെട്ടിന്റെ ( 176 റൺസ് ) റിക്കോർഡും സഞ്ജു- ഹൂഡ കൂട്ടുകെട്ടിൽ പിറന്നു.
അയർലണ്ടിലെ ക്രിക്കറ്റ് ആരാധകരും ഇന്ത്യയെ വിറപ്പിച്ച ഐറിഷ് ക്രിക്കറ്റ് ടീമും ഇന്ന് ട്രോളുകളിൽ നിറയുകയാണ്. രസകരമായ ഏതാനും ട്രോളുകളും ചിത്രങ്ങളും ചുവടെ ചേർക്കുന്നു.
Kerala Globe News