മൈ ന്യൂ ഗാഡ്ജെറ്റ് എന്ന പേരിൽ വീഡിയോയുമായി മമ്മുക്ക എത്തിയപ്പോൾ ആരാധകർക്കാകെ സംശയം. ഇത് പരസ്യമാണോ അതോ ശരിക്കും ഉള്ളതാണോ എന്ന്. കൈയ്യിൽ ക്യാനോൻ ക്യാമറയുടെ ഒരു ബോക്സുമായി എത്തിയ മമ്മുക്ക മെല്ലെ അത് തുറന്ന് ഒരു ക്യാമറ ബോഡിയും കൈയിലെടുത്ത് പറഞ്ഞു; “കുറേ കാലമായി ഞാൻ ആഗ്രഹിച്ചിരുന്ന ഒരു സാധനം എന്റെ കൈയ്യിൽ കിട്ടി. ക്യാനോൻ ഇ.ഓ.എസ്. ആർ. 5 മിറർലെസ്സ്.” ലെൻസില്ലാത്ത ക്യാമറയുടെ വ്യൂ ഫൈൻഡറിലൂടെ ഒന്ന് നോക്കിയിട്ട് മമ്മുക്ക വീണ്ടും പറഞ്ഞു; ” ഈ ക്യാമറയിലായിരിക്കും ഞാൻ ഫോട്ടോ എടുക്കുക.” വീണ്ടും R5 ന്റെ വ്യൂഫൈൻഡറിലൂടെ നോക്കി ഒരു ഫോട്ടോ ക്ലിക്ക് ചെയ്തു എന്നുവരുത്തി വീഡിയോ അവിടെ അവസാനിക്കുന്നു.
ക്യാമറിയിലല്ല; മമ്മുക്കായുടെ ഹെയർ സ്റ്റൈലിൽ ആണ് നോക്കിയതെന്നു ഒരു ആരാധകന്റെ കമന്റ്. ഓരോരുത്തർ ഈ പ്രായത്തിൽ കോട്ടക്കലിൽ പോയി എണ്ണ വേടിച്ച് തടവാൻ ഇടുന്നു.. ഇവിടെ ഒരാൾ പിള്ളേരെ പോലെ ദേ കളിച്ചു നടക്കുന്നു – മറ്റൊരു ആരാധകന്റെ കമെന്റ്. ഇക്കാക്ക് ഫോട്ടോ എടുക്കാമല്ലോ.. ഇക്കായെ കാണാനും കൊള്ളാം.. നല്ല ക്യാമറ യും ഉണ്ട് എന്ന് ഒരു ആരാധികയുടെ കമെന്റ്. എന്തായാലും മമ്മുക്കയും മമ്മുക്കയുടെ ക്യാമറയും ഒരു പോലെ ഹിറ്റ്.
ക്യാനന്റെ ഫ്ലാഗ്ഷിപ്പ് ക്യാമറകളിൽ ഏറ്റവും പുതിയതാണ് ക്യാനൻ R5 . മൂന്നര ലക്ഷം രൂപായടുത്താണ് ക്യാമറയുടെ ഇന്ത്യൻ വില. എന്നാൽ കൂടുതൽ സമയം 4k യിലും മറ്റും ഉപയോഗിക്കുമ്പോൾ ക്യാമറ ചൂടാകുന്നതായി വിവിധ പരാതികൾ ഉയരുന്നുണ്ട്.
Kerala Globe News