ആരാധകരെ ആവേശത്തിലാഴ്ത്തി സൂപ്പർ സ്റ്റാർ സുരേഷ് ഗോപി ഗംഭീര തിരിച്ചുവരവിനൊരുങ്ങുന്നു. മുളകുപാടം ഫിലിംസ് ഒരുക്കുന്ന സുരേഷ് ഗോപിയുടെ ഇരുന്നൂറ്റി അമ്പതാം ചിത്രത്തിലൂടെയാണ് കടുവാക്കുന്നേൽ കുറുവച്ചനായി മാസ്സ് ലുക്കിൽ താരം എത്തുന്നത്. ഇന്ന് 61 -)o പിറന്നാൾ ആഘോഷിക്കുന്ന താരത്തിന് സമ്മാനമെന്നോണം മോഹൻലാൽ ആണ് ചിത്രത്തിന്റെ ഫസ്റ്റ് മോഷൻപോസ്റ്റർ പുറത്ത് വിട്ടിരിക്കുന്നത്. മാത്യൂസ് പീറ്റർ പ്ലാമ്മൂട്ടിൽ ആണ് ഈ ചിത്രത്തിന്റെ സംവിധായകൻ.
രണ്ട് മാസ്സ് ചിത്രങ്ങളാണ് സുരേഷ് ഗോപിയുടേതായി അണിയറയിൽ ഒരുങ്ങുന്നത്. നിതിൻ രഞ്ജി പണിക്കർ സംവിധാനം ചെയ്യുന്ന കാവൽ എന്ന ചിത്രവും മുളകുപാടം ഫിലിംസ് ഒരുക്കുന്ന ഈ പുതിയ ചിത്രവും. വളരെകാലത്തിന് ശേഷമായിരുന്നു സുരേഷ്‌ഗോപിയുടെ വരനെ ആവശ്യമുണ്ട് എന്ന ചിത്രം പ്രേക്ഷകരിലേക്ക് എത്തിയത്. കുടുംബ പ്രേക്ഷകരെ ആകർഷിച്ച ചിത്രം സൂപ്പർ ഹിറ്റ് ആയിരുന്നു.
Kerala Globe News